Set as Homepage|Add to Favorites
 

பல பயனர் செய்தி இயந்திரம்,
சொந்த அமைப்பு வடிவமைக்கப்பட்டுள்ளது
இணையத்தில் மீடியா மற்றும் வலைப்பதிவுகள்.

 
Thatstamil.Codewarehouses.com » இந்தியா » டெல்லிக்கு இன்னும் எத்தனை நிர்பயாக்கள் வேண்டும்?
For advertising

டெல்லிக்கு இன்னும் எத்தனை நிர்பயாக்கள் வேண்டும்?

Author: nithya at 25-07-2016, 19:41
டெல்லிக்கு இன்னும் எத்தனை நிர்பயாக்கள் வேண்டும்?

டெல்லியில் பலமுறை பலாத்காரம் செய்யப்பட்டு வலுக்கட்டாயமாக திராவகம் குடிக்க வைக்கப்பட்ட 14 வயது சிறுமி மருத்துவமனையில் உயிரிழந்தார்.

வடக்கு டெல்லியில் உள்ள புராரி பகுதியை சேர்ந்த 14 வயது தலித் சிறுமி, சிவசங்கர் என்பவரால் கடந்த ஆண்டு டிசம்பர் மாதம் கடத்தி, பாலியல் பலாத்காரம் செய்யப்பட்டார். இது குறித்து வழக்குப்பதிவு செய்த போலீசார் சிவசங்கரை கைது செய்தனர். இந்நிலையில் பலாத்கார வழக்கு விசாரணைக்காக நீதிமன்றத்திற்கு செல்வதற்கு முன் சிறுமி மீண்டும் கடத்தப்பட்டு, 12 நாட்களுக்கு பலாத்காரம் செய்யப்பட்டுள்ளார். மேலும் ஆசிட் போன்ற ஒரு திரவத்தை கட்டாயப்படுத்தி குடிக்க வைத்துள்ளனர்.

12 நாட்களுக்கு பிறகு வீடு திரும்பிய அந்த சிறுமி மருத்துவமனையில் சேர்க்கப்பட்டார். ஆசிட் போன்ற பொருளால் சிறுமியின் உள்ளுறுப்புகள் பாதிக்கப்பட்டு டெல்லியில் உள்ள மருத்துவமனையில் அனுமதிக்கப்பட்டிருந்தார். இந்நிலையில் ரத்தமாக வாந்தி எடுத்த சிறுமி, சிகிச்சை பலனின்றி ஞாயிற்றுக்கிழமை உயிர் இழந்தார்.

கடத்தப்பட்ட சிறுமி, சிவசங்கர் குடும்பத்தினரால் மிரட்டப்பட்டதாகவும், போலீசிடம் உண்மையை சொன்னால் சகோதரி மற்றும் சகோதரனை கொலை செய்துவிடுவோம் என்று மிரட்டியதாகவும், உயிரிழந்த சிறுமியின் தாய் தெரிவித்துள்ளார்.

இது குறித்து டெல்லி மகளிர் ஆணைய தலைவி ஸ்வாதி மாலிவால், மாநில, மத்திய அரசுகளை கடுமையாக கண்டித்துள்ளார். சிறுமிக்கு போதிய பாதுகாப்பு வழங்கியிருந்தால், அவர் இரண்டாவது முறையாக கடத்தப்பட்டிருக்கமாட்டார் என்றும், வாக்குமூலத்தை திரும்ப பெறும்படி சிறுமி பலமுறை மிரட்டப்பட்டதாகவும் டெல்லி மகளிர் ஆணையர் தெரிவித்துள்ளார்.

இன்னும் எத்தனை நிர்பயாக்கள் டெல்லிக்கு வேண்டும்? என்றும் கோபமாக டுவிட்டரில் ஸ்வாதி கேள்வி எழுப்பியுள்ளார்.
Dear visitor, you went to website as unregistered user.
We encourage you to Register or Login to website under your name.

Comments:

Add Comments

Prev Next
Go to Top